هه‌واڵ

یەکێتی مامۆستایان نامەیەک ئاراستەی نەتەوە یەکگرتووەکان دەکات

سەرۆكی یەكێتی مامۆستایانی كوردستان ئەحمەد گەرمیانی لە كۆنفڕانسێكدا كە لەشاری هەولێر ئەنجامیدا داوای پێداوچوونەوە بە موچەی مامۆستایان كردو ڕاشیگەیاند نامەیەک ئاراستەی حکومەتی عێراق و نەتەوە یەکگرتووەکان دەكەن .

سەرۆکی یەکێتی مامۆستایان داوای كرد هەر 30 رۆژ جارێك مووچەی مامۆستایان دابەش بكرێت و ئەو مووچانەش کە تا ئێستا دابەشنەکراون وەک پاشەکەوت و ژمارەی بانکی پێدرێت .

لەبارەی هەڵوێستی مامۆستایان و ڕێپێوانەكانیان سەرۆكی یەكێتی مامۆستایان ووتی: یەکێتی مامۆستایان هەڵوێستی مامۆستایان لە خۆپیشاندان و ڕێپێوان بەرزدەنرخێنێت ، بەڵام دەبێت حکومەتی هەرێمیش وەڵامی مامۆستایان بداتەوە .

سەرۆكی یەكێتی مامۆستایان ئاشکراشیکرد نامەیەک ئاراستەی حکومەتی عێراق و نەتەوە یەکگرتووەکان و ڕێکخراوەکانی یونیسکۆ و یونسیف و یۆنامی و ڕیکخراوی مامۆستایانی جیهان دەکەن و نامەیەکی کراوەش ئاراستەی حکومەتی هەرێم دەکەن بۆ ئەوەی ئاوڕ لە گوزەرانی مامۆستایان بدەنەوەو چارەسەری كێشەكانیان بكەن .

وەڵامێک بنووسە