هه‌واڵ

ھۆکاری ڕاگرتنی گواستنەوەی مامۆستایان لەنێوان پەروەردەکان ئاشکرادەکرێت

سکرتاریەتی یەکێتی مامۆستایانی کوردستان روونکردنەوە لەبارەی ئەو مامۆستایانەدەدات کە لەنێوان پەروەردەی ڕۆژھەڵات و ڕۆژئاوای سلێمانیدا دووچاری گرفتبوون و  گواستنەوەیان بۆ ئەنجامنادرێت، ئەندامێکی سکرتاریەتی رێکخراوەکەش ھۆکارەکەی ئاشکرادەکات و تەئکیددەکاتەوە  ھۆکاری سەرەکی گرفتی ئەو مامۆستایانە لایەنی کارگێڕییە.
 بەرھەم مستەفا ئەندامی سکرتاریەتی رێکخراوی یەکێتی مامۆستایانی کوردستان لەلێدوانێکدا بۆSNNڕایگەیاند: ئەو مامۆستایانەی لەسنوری پەروەردەی رۆژھەڵات و رۆژئاوای شاری سلێمانیدا گواستنەوەیان بۆ ناکرێت، پەیوەندیی بەلایەنی کارگێڕییەوە ھەیە و زۆرکات نوسراو دەکرێت و ئاڕاستەی پەروەردەکانی ھەردوولا دەکرێت، چونکە پێویستی بەرەزامەندی ھەردوو پەروەردەکەیە.

روونیشکردەوە ئەو مامۆستایانەی داوای گواستنەوە لەنێوان پەروەردەی رۆژھەڵات و رۆژئاوای سلێمانیدا دەکەن،”جگە لە رەزامەندی پەروەردەکان دەبێت رەزامەندی ھەردوو ئیدارەی خوێندنگەی لەسەربێت واتا ئەو خوێندنگەیەی مامۆستاکەی لێیەو ئەو خوێندنگەیەی کەبۆی دەگوازرێتەوە و ئەگەر ناگواستنەوەی بۆناکرێت”.

 

ئەندامەکەی سکرتاریەتی مامۆستایان وتیشی: زۆرکات بۆ گواستنەوەی مامۆستایان داوای بەدیل لەمامۆستایان دەکرێت یاخود گواستنەوە لەنێوان بنەڕەتی و ئامادەییدا دەکرێت، ئەوەش ھۆکارێکی دیکەیە و دەبێتە گرفت لەبەردەم گواستنەوەی مامۆستاکەدا.

وەڵامێک بنووسە