هه‌مه‌ڕه‌نگ

وەزارەتێکی تایبەت بە کەسانی تەنیا دروستدەکرێت

ماڵپەڕی BBC ی تورکی لە ھەواڵێکدا ئاماژەی بەوە کردووە کە لە وڵاتی بەریتانیا وەزارەتێکی تایبەت بۆ ئەو کەسانە دادەمەزرێت کە بە تەنھا ژیان دەبەنەسەر، و لەڕێگەیەوە ھەوڵی چارەسەرکردنی گرفتەکانیان دەدرێت.

 لەو بابەتەدا ئەوە خراوەتەڕوو، بە مەبەستی دامەزراندنی ئەم وەزارەتە ئەنجومەنی پارێزگارانی بەریتانیا دەنگی بە ھەڵبژاردنی وەزیرێکی تەنیا داوە، پێوستە بۆ چارەسەرکردنی ئەم دۆخە و ڕزگاربوون لێی سەرەتا ھەوڵ بۆ زانینی ئەو ڕاستییە بدرێت کە ھۆکاری بە تەنیا مانەوە و ژیانی تەنیایی ئەم کەسانە چییە.

ئاماژە بەوەش کراوە، تا ئێستا ڕوون نییە، ئایا ئەم وەزارەتە پاش تەواو ڕوونبوونەوەی گرفتەکان و چارەسەرکردنیان کۆتایی پێدێت و لەناو لیستی وەزارەتەکانی حکومەتی بەریتانیا دەردەھێنرێت یاخود بەردەوام دەبێت، بەڵام زیاتر لە ٩ ملیۆن ھاوڵاتی لە وڵاتی بەرتانیان بە تەنیا دەژین، ھیچ کەس و ھاوژین و خۆشەویستێکیان نییە.

تەنیایی یەکێکە لە ھۆکارەکان بۆ خۆکوشتن پاش ئەوەی کەسی تەنیا تەواو لە ژیان قوڵدەبێتەوە و بیر لە خۆی دەکاتەوە. هەروەها تەنیایی ھۆکارە بۆ کێشانی جگەرە، و بەپێی ڕاپۆرتێک کە لە ساڵی ٢٠١٧ بڵاوکراوەتەوە کەسانی تەنیا لە ڕۆژێکدا ١٥ تا ٢٠ جگەرە دەکێشن.
زیر بارون large

وەڵامێک بنووسە