خوێندن و په‌روه‌رده‌هه‌واڵ

وەزارەتی پەروەردە ئاگادارییەکی بڵاوکردەوە

وەزارەتی پەروەردەی حکومەتی هەرێم ڕایگەیاند، هەردوو مەراسیمی ڕۆژی “جلوبەرگی نەتەوەیی” و “٨ی مارس” لە ڕۆژی پێنجشەممەدا ئەنجام دەدرێن.

لە ڕاگەیەندراوێکدا ، وەزارەتی پەروەردە ئاگاداری سەرجەم قوتابخانەکان دەکاتەوە و دەڵێت “ڕۆژی ‘جلوبەرگی نەتەوەیی’ کە دەکەوێتە ڕۆژی شەممە و لەبەر ئەوەی ڕۆژی شەممە پشووی فەرمییە لە قوتابخانەکاندا، پێویستە مەراسیمەکە لەگەڵ ‘۸ی مارس’ ئەنجام بدرێت، واتە هەردوو مەراسیمەکە لە ڕۆژی ‘٥شەممە/ ۸ی مارس’ تێکەڵ بکرێن و یادیان بکرێتەوە.”

ئاماژەی بەوەش کردووە، پۆشینی جلوبەرگی نەتەوەیی ئارەزوومەندانەیە و پاڵەپەستۆ ناخرێتە سەر هیچ کەس لە پۆشینی.

وەڵامێک بنووسە