خوێندن و په‌روه‌رده‌

چەند رێنماییەک بۆ هاوکاری ئەو خوێندکارانەی بەمزووانە دەچنە زانکۆ

بێگومان خوێندن خۆشترین قۆناغی ژیانە، بەتایبەت دوای ئەوەی دەچیتە زانکۆ، بەڵام گرنگە بزانیت چۆن رەفتار دەکەیت و چێژ دەبینیت.

ماڵپەڕی layalina بۆ هاوکاری ئەو خوێندکارانەی بەمزووانە دەچنە زانکۆ، هەندێک رێنمایی بڵاودەکاتەوە، بۆ ئەوەی خوێندکاران بتوانن متمانەیان بەخۆیان هەبێت و چێژ لەو قۆناغە ببینن:

1-گرنگی بە پۆشاک و ستایلەکەت بدە، بە وریایی رەفتاربکە و متمانەت بەخۆت هەبێت، بەتایبەت لە سەرەتای خوێندنی زانکۆدا.

2-هەرگیز کاتی وانەکانت تەرخان مەکە، بۆ ئاشنابوون بە هاوڕێکانت و گفتوگۆی بێ مانا، هەموو شتێک کاتی خۆی پێبدە.

3-بەخێرایی تێکەڵاوی هەموو هاوڕێیەک مەبە، بۆ ئەوەی پەشیمان نەبیتەوە، بەباشی بەدواداچوون بۆ رەفتار و مامەڵەی هاوڕێکانت بکە، بۆ ئەوەی متمانە هەبێت پاشان هاوڕێیەتی.

4-بەشداری چالاکی گروپەکان بکە، داوای هاوکاری لە خوێندکارە زیرەکەکان بکە، تا زانیاری زیاتر وەربگریت و ئەزموونی نوێت هەبێت.

5-لەسەرەتاکانی خوێندنی زانکۆدا تووشی دڵەڕاوکێ و خەم دەبیت، بەڵام کاتییە و هێندە خۆت مەشڵەژێنە، چونکە رادێیت.

6-هەموو کاتەکانیشت تەرخان مەکە بۆ کۆششکردن، هەوڵبدە لایەنی کۆمەڵایەتیشت بەهێز بکە.

7-لەگەڵ خوێندکارەکان سەردانی شوێنە گشتیەکان بکە، یان گەشت بکە و چالاکی جۆراوجۆر ئەنجام بدە.

8-هەمیشە کەسێکی رێکخراوبە، بەتایبەت کاتێک پرۆژەیەکی تایبەت هەیە، هەوڵبدە بە یەکسانی دابەشی بکە، لەنێوان خۆت و خوێندکارەکان.

9-کەسایەتی راستەقینەی خۆت چۆنە، بەو شێوەیە رەفتار بکە کە لەگەڵ خۆتدا دەگونجێت، هەرگیز زیادەڕەویش مەکە لە چۆنێتی پۆشین و هەڵبژاردنی ستایلەکەت.

10-ئامانجت لەرووی پیشەییەوە بۆ داهاتوو دیاریبکە، بەڵام هەوڵبدە بەشداری خولی تایبەت بکە، پەرە بە بەهرەکان بدە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *